Amaliy xorijiy tilni o‘rganishning intensiv usullari: til ko‘nikmalarini ya'ni so‘zlashish, tinglab tushunish, o‘qish va yozish amaliyotlarini uyg‘unlikda rivojlantirish orqali uning chet tili malakasini umumevropa standartining B2 dan S1 darajasiga yetkazish. Qayta tayyorlash va malaka oshirish tinglovchilari kurs davomida turli sohalarda dalillarga asoslangan murakkab bo‘lmagan matnlarni o‘qib to‘liq tushunish, kundalik va yo‘nalish sohasiga oid Internet saytlaridan tegishli ma'lumotlarni topish va tushunish, risolalar, reklamalar, gazeta e'lonlaridan mutaxassislikka oid ma'lumotlarni topish, OAV matnlarining o‘qib asosiy mazmunini tushunish kabi topshiriqlarni bajaradilar. Shuningdek, tinglovchilar tinglab tushunish, gapirish, o‘qish ko‘nikmalariga yozish til ko‘nikmasini integrallashtirgan holda o‘z suhbatdoshiga xat va xabarlar yozish, anketani turli shaxsiy ma'lumotlar bilan to‘ldirish, shaxsiy hamda kasb-hunarga oid kontekstlarda qaydlar va xabarlar yozish, sohaga oid hisobotlar yozish, ariza, rezyume va yo‘llanma xatlar yozish kabi vazifalarni ham bajaradilar.

Ushbu kursning asosiy didaktik maqsadi pedagog kadrlarni pedagogik kvalimetriya fanining o‘ziga xos xususiyatlari, pedagogik kvalimetriyaning metodlarini innovatsion vosita sifatida tanishtirish orqali ularning kasbiy-5 pedagogik tayyorgarligini orttirish, pedagogik tafakkurini kengaytirish, ta'lim-tarbiya jarayonida pedagogik kvalimetriya metodlaridan maqsadga muvofiq qo‘llash uchun zarur bo‘lgan metodik bilim, ko‘nikmalarni shakllantirish sanaladi. · “Ta'lim to‘g‘risida” gi Qonun, Kadrlar tayyorlash milliy dasturi, huquqiy-me'yoriy hujjatlarda pedagogik kadrlarni qayta tayyorlash va malakasini oshirish yuzasidan belgilangan vazifalarni amalga oshirish; · O‘qituvchilarda ta'lim-tarbiya jarayonida pedagogik kvalimetriya metodlaridan samarali foydalanish uchun nostandart test topshiriqlarini maqsadga muvofiq tuzish va amalda qo‘llash uchun zarur bo‘lgan metodik bilim va ko‘nikmalarni tarkib toptirish; · O‘qituvchilarni o‘z pedagogik faoliyatini pedagogik kvalimetriya metodlaridan biri mashg‘ulotlarni tahlil qilishga o‘rgatish, tahliliy - tanqidiy, ijodiy va mustaqil fikr yuritish ko‘nikmalarini rivojlantirish;

“Pedagogik jarayonning tizimli tahlili” modulining maqsadi: pedagog kadrlarni qayta tayѐrlash va malaka oshirish kursi tinglovchilarini oliy ta'lim jarayoni dolzarb muammolari, tizimli tahlil metod va vositalari asosida bu muammolarni tahlil qilish, pedagogik jarayonlar strukturasidagi tarkibiy qismlar, uning yaxlitligi v.b. haqidagi bilimlarini takomillashtirish, oliy ta'lim tizimi pedagoglarining kasbiy tayyorgarligi sifatini orttirish; pedagogik faoliyatga tizimli yondashishni o‘rgatishdan iborat.

“Virtual ta'lim texnologiyasi” modulining maqsadi: pedagog kadrlarni qayta tayyorlash va malaka oshirish kurs tinglovchilarini yangi multimedia vositalari va texnologiyalari, o‘quv jarayonida virtual borliq 5 texnologiyalari(virtual laboratoriya, simulyatorlar, virtual sayohat va b.)dan foydalanish, mobil ta'lim texnologiyalari, internet va ijtimoiy tarmoqlar, ularning imkoniyatlari va xavfsizligi hamda ochiq ta'lim resurslari va ularning imkoniyatlari haqidagi bilimlarini takomillashtirish.

“Ta'limda ilg‘or xorijiy tajribalar” modulining maqsadi: pedagog kadrlarni qayta tayyorlash va malaka oshirish kurs tinglovchilarini o‘quv jarayonini tashkil etish va uning sifatini ta'minlash borasidagi ilg‘or xorijiy tajribalar, zamonaviy yondashuvlar, zamonaviy ta'lim va innovatsion texnologiyalar sohasidagi ilg‘or xorijiy tajribalar: modulli-kredit tizimi, differensial, integrativ, masofali o‘qitish, mahorat darslari, vebinar, evristik metodlarni o‘zlashtirish, joriy etish, ta'lim amaliyotida qo‘llash va yaratish ko‘nikma va malakalarini tarkib toptirish.

“Innovatsion ta'lim texnologiyalari va pedagogik kompetentlik”modulining maqsadi: pedagog kadrlarni qayta tayyorlash va malaka oshirish kurs tinglovchilarini innovatsion ta'lim texnologiyalari, o‘qitishning innovatsion shakl, metod va vositalari, pedagogik kompetentlik sifatlari hamda ta'lim jarayonini tashkil etishga kreativ yondashishga doir bilimlarini takomillashtirish asosida ular tomonidan innovatsion yondashuv, pedagogik kompetentlik sifatlari va kreativ qobiliyatning samarali o‘zlashtirilishi uchun zarur shart-sharoitni yaratish.